[prenta uppsett í dálka] 51. fundur
Svavar Gestsson:
Virðulegi forseti. Síðari málsliður þessarar greinar hljóðar svo:
,,Hann [heilbrrh.] getur jafnframt ákveðið sameiningu sjúkrastofnana sem reknar eru af ríkinu með reglugerð að höfðu samráði við Samband íslenskra sveitarfélaga.``
Með öðrum orðum getur heilbrrh. ákveðið að sameina öll sjúkrahús í landinu ef henni sýnist svo með einni reglugerð, nú eða sjúkrahúsin í Reykjavík t.d. með einni reglugerð. Hér er auðvitað um óvenjulega ruddalega tilraun til lagasetningar að ræða og það væri skynsamlegt að hugleiða hvort ekki þarf að setja í stjórnarskrá ákvæði til að koma í veg fyrir vinnubrögð af þessum toga. Ég er undrandi á því að þingmenn stjórnarflokkanna skuli láta ríkisstjórnina gera svo lítið úr sér að fallast á yfirgengilega tillögu af þessu tagi.
