[prenta uppsett í dálka] 54. fundur
Forsætisráðherra (Davíð Oddsson):
Herra forseti. Ég vissi ekki annað en menn hefðu vitað um þessa hugmynd sem hefur verið í gangi. Það var að vísu talað um 27. jan. í þeim samtölum en þá miðuðu menn við að þingmenn eða þingið kæmi saman á mánudegi. Það þótti heppilegra fyrir þingmenn, til að mynda utan af landi, að þingið kæmi saman þá degi síðar eða 28. Fyrstu vinnuvikuna á hinu nýja ári ber þannig að að hún er afar stutt. Þannig stendur á hjá almanakinu og við breytum því ekki í þinginu þó valdamikir séum þannig að það þykir henta og vera til farsældar fyrir störf þingsins að ríkisstjórnin fái aðeins rýmri tíma til að undirbúa mál sín fyrir þingið í janúar og ég vissi ekki annað en að sátt væri í því máli.
Hins vegar, ef fyrir því er ríkur vilji í þinginu að halda sig við skemmri tíma, þá mun ríkisstjórnin ekki leggjast gegn því.
