Ferill 359. máls. Aðrar útgáfur af skjalinu: Word Perfect.
1996–97. – 1066 ár frá stofnun Alþingis.
121. löggjafarþing. – 359 . mál.
699. Svar
kirkjumálaráðherra við fyrirspurn Guðnýjar Guðbjörnsdóttur um stöðu jafnréttismála innan þjóðkirkjunnar.
Í nefndum á vegum þjóðkirkjunnar, skipuðum af yfirstjórn þjóðkirkjunnar, er fjöldi nefndarmanna alls 135, þar af eru 36 konur eða 26,6%.
Formenn þeirra nefnda eru alls 32 og þar af eru sjö konur eða 21,8%.
a. Sóknarprestar eru alls 98, þar af eru konur 17 eða 17,3%.
b. Aðstoðarprestar eru 12, þar af eru fjórar konur eða 22,3%.
c. Sérþjónustuprestar eru alls 18, þar af eru konur fjórar eða 22,2%.
d. Í Prestafélagi Ísland eru alls 136 prestar, þar af 20 konur eða 14,7%.
e. Í stjórn Prestafélags Íslands eru fimm í aðalstjórn, allt karlar, og tveir í varastjórn, þar af ein kona eða 14,2%.
f. Á kirkjuþingi eiga sæti 21 fulltrúi, þar af þrjár konur eða 14,2%.
g. Prófastar eru 16 talsins, þar af er ein kona eða 6,3%.
h. Innan þjóðkirkjunnar eru 244.060 manns, þar af eru karlar 122.245 og konur 121.815 eða 49,9%.
i. Heildarfjöldi í sóknarnefndum er 1.280, karlar 728 og konur 552 eða 43%.
j. Formenn sóknarnefnda eru samtals 284. Þar af eru karlar 188 og konur 96 eða u.þ.b. 34%.
Framangreind nefnd var skipuð á vegum forsætisráðuneytisins. Samkvæmt upplýsingum þaðan eru ekki ráðgerðar breytingar á skipan nefndarinnar. Þar sem tilteknir embættismenn eiga sæti í nefndinni stöðu sinnar vegna ræðst kynferðið af því hverjir gegna þeim stöðum á hverjum tíma. Í upphafi voru konur í meiri hluta í nefndinni þótt síðan hafi orðið veruleg breyting á.
Eins og stendur hefur jafnréttisáætlun ekki verið sett. Í tillögum dóms- og kirkjumálaráðuneytisins í framkvæmdaáætlun ríkisstjórnarinnar um aðgerðir til að ná fram jafnrétti kynjanna er stefnt að því að heildarþátttaka kvenna í nefndum og ráðum á vegum þjóðkirkjunnar verði 30% í lok gildistíma áætlunarinnar, og verið er að leggja grunn að gerð áætlunar hjá þjóðkirkjunni út frá þessari stefnumörkun.
Nei. Í þessu sambandi skal þó bent á 11. gr. frumvarps til laga um stöðu, stjórn og starfshætti þjóðkirkjunnar sem er nú til meðferðar á Alþingi, en þar er kveðið á um úrskurðarnefnd sem skal fjalla um kirkjuaga og lausn ágreiningsmála á kirkjulegum vettvangi. Í 12. gr. er kveðið á um áfrýjunarnefnd sem skjóta má niðurstöðum úrskurðarnefndar til. Verði frumvarpið að lögum mun verða lögfest leið til að koma að kvörtunum vegna siðferðis- og agabrota og fá úrlausn þeirra mála á kirkjulegum vettvangi.
Kvennakirkjan er frjáls samtök án tengsla við yfirstjórn kirkjunnar.