Ferill 472. máls. Aðrar útgáfur af skjalinu: Word Perfect.
1996–97. – 1066 ár frá stofnun Alþingis.
121. löggjafarþing. – 472 . mál.
944. Svar
viðskiptaráðherra við fyrirspurn Péturs H. Blöndal um Eignarhaldsfélagið Brunabótafélag Íslands.
Ráðuneytið óskaði eftir því við Eignarhaldsfélagið Brunabótafélag Íslands að það tæki saman svör við þeim spurningum sem varpað er fram í fyrirspurninni og byggist svar ráðuneytisins alfarið á upplýsingum er stjórn félagsins hefur látið í té. Af hálfu ráðuneytisins er talið rétt að fram komi að Eignarhaldsfélagið Brunabótafélag Íslands er ekki stofnun í eigu ríkisins þótt um það gildi sérlög, nr. 68/1994. Þá fer viðskiptaráðherra ekki með yfirstjórn félagsins, sbr. 9. gr. laganna.
Í 5. gr. laga nr. 68/1994, um Eignarhaldsfélagið Brunabótafélag Íslands, er kveðið á um það hverjir eru sameigendur félagsins, en þar á meðal er Sameignarsjóður eignarhaldsfélagsins. Eignarréttindi einstaklinga falla til sameignarsjóðsins við andlát og sameignarréttindi lögaðila falla til sjóðsins þegar þeir eru ekki lengur skráðir sem lögaðilar. Eignarréttindi sameigenda eru óvirk nema til slita á félaginu komi, sbr. 6. gr. laganna.
Komi til slita á eignarhaldsfélaginu, sbr. 16. gr. laganna, og annað félag tekur ekki við hlutverki þess, skal hrein eign sameignarsjóðsins renna til þeirra sveitarfélaga sem eiga aðild að fulltrúaráði félagsins í hlutfalli við brunatryggingaiðgjöld fasteigna samkvæmt samningum sveitarfélaganna á vátryggingarárinu 15. október 1992 til 14. október 1993. Í fylgiskjali I er skrá um hlutfallslega skiptingu iðgjaldanna á sveitarfélög.
Sameignarsjóðurinn er tiltekið hlutfall af eigin fé eignarhaldsfélagsins á hverjum tíma og er ávöxtunin því hlutfall af árlegri rekstrarafkomu félagsins. Hlutdeild sjóðsins í eigin fé félagsins breytist hins vegar við andlát sameigenda eða vegna þess að lögaðilar falla af fyrirtækjaskrá. Þannig var sameignarsjóðurinn 7,24% í árslok 1994, 9,15% í árslok 1995 og 11,22% í árslok 1996.
Í fylgiskjali II er frekari greining á breytingu á sameignarsjóðnum á árunum 1994 og 1995, en endanlegt uppgjör fyrir árið 1996 liggur enn ekki fyrir.
Hækkun á hlutfalli sjóðsins í eigin fé á hverju ári svarar til þeirra sameignarréttinda einstaklinga og lögaðila sem fallið hafa til sjóðsins samkvæmt 15. gr. laga um eignarhaldsfélagið.
Eins og áður segir er sameignarsjóðurinn tiltekið hlutfall af eigin fé eignarhaldsfélagsins á hverjum tíma. Bókfært eigið fé eignarhaldsfélagsins nam 392,9 millj. kr. í árslok 1994 og 514,1 millj. kr. í árslok 1995, en ársreikningur félagsins fyrir árið 1996 liggur ekki fyrir. Þess skal getið að hlutir félagsins í Vátryggingafélagi Íslands hf. og Líftryggingafélagi Íslands hf. voru bókfærðir á 648,8 millj. kr. í árslok 1995.
Sjá svar við 3. lið.
Sameigendur félagsins eru einstaklingar og lögaðilar auk sveitarfélaga sem voru í viðskiptum hjá Brunabótafélagi Íslands. Fjöldi og sameignarhlutföll skiptast þannig:
Fjöldi
%
Sameigendur í kaupstöðum
50.543
76
,5952
Sameigendur í hreppsfélögum
8.776
12
,1852
Sameigendur alls
59.319
88
,7804
Hlutur sameignarsjóðsins
11
,2196
Samtals
59.319
100
Eignarréttindi sameigenda félagsins eru óvirk nema til slita félagsins komi og telur stjórn félagsins ekki efni til að birta frekari greiningu á hinum óvirku eignarréttindum.
Sameigendur hafa ekki fengið greiddan arð úr félaginu en þeir fá greiddan eignarhlut sinn komi til slita á félaginu eins og fram hefur komið.
Fylgiskjal I.
Sameignarsjóður Eignarhaldsfélagsins Brunabótafélag Íslands.
Hlutdeild sveitarfélaga er samkvæmt reglum fyrir Sameignarsjóðinn sem fulltrúaráð EBÍ setti í samræmi við ákvæði laga nr. 68/1994. Samkvæmt nefndum reglum er hlutdeildin miðuð við brunatryggingariðgjöld fasteigna í viðkomandi sveitarfélagi við endurnýjun 15. október 1992 til 14. október 1993.
Samtals
100,00%
Fylgiskjal II.
Breyting á eigin fé Eignarhaldsfélagsins Brunabótafélag Íslands
og Sameignarsjóðs félagsins.
Eigið fé samtals
Sameignarsjóður
Sameignarsjóður
þar af
%
1994
Eigið fé í ársbyrjun 1994
366.379.237
23.283.393
6
,3549979
Endurmatsfærslur 1994
13.786.026
876.102
6
,3549979
Hagnaður ársins 1994
18.263.097
1.160.619
6
,3549979
Tilfærsla í sameignarsjóð á árinu
3.522.555
0
,8841125
Eigið fé í árslok 1994
398.428.360
28.842.669
7
,2391104
1995
Endurmatsfærslur
7.938.162
574.652
7
,2391104
Hagnaður ársins 1995
107.767.017
7.801.373
7
,2391104
Tilfærsla í sameignarsjóð á árinu
9.810.133
1
,9080904
Eigið fé í árslok 1995
514.133.539
47.028.827
9
,1472008
