Ferill 574. máls. Aðrar útgáfur af skjalinu: Word Perfect.
1996–97. – 1066 ár frá stofnun Alþingis.
121. löggjafarþing. – 574 . mál.
947. Fyrirspurn
til menntamálaráðherra um málskot úrskurða stjórnar Lánasjóðs íslenskra námsmanna til menntamálaráðuneytisins.
Frá Bryndísi Hlöðversdóttur.
Skriflegt svar óskast.
Greinargerð.
Í frumvarpi til laga um breyting á lögum um Lánasjóð íslenskra námsmanna (531. mál, þskj. nr. 885) sem nú liggur fyrir Alþingi er lögð til sú breyting á 5. gr. laganna að ekki verði lengur heimilt að skjóta úrskurðum stjórnar LÍN til æðra stjórnvalds. Núgildandi lög koma ekki í veg fyrir málskot en í athugasemdum með frumvarpinu segir að um þetta hafi ríkt venja sem nú er lagt til að verði lögfest. Með fyrirspurn þessari er leitað eftir frekari skýringum á því hvenær umrædd stjórnsýsluvenja hafi tekið að myndast enda er verið að leggja það til með umræddu frumvarpi að námsmenn séu sviptir þeim sjálfsögðu borgaralegu réttindum að geta skotið úrskurði lægra setts stjórnvalds til æðra stjórnvalds.