Ferill 275. máls. Aðrar útgáfur af skjalinu: Word Perfect.

---

1996–97. – 1066 ár frá stofnun Alþingis.
121. löggjafarþing. – 275 . mál.

1298. Svar

forsætisráðherra við fyrirspurn Ástu R. Jóhannesdóttur um óendurkræfa styrki á vegum ráðuneyta.

    Fyrirspurnin hljóðar svo:
    Hvaða óendurkræfir styrkir eru veittir á vegum ráðuneyta Stjórnarráðsins hvers um sig til einstaklinga, fyrirtækja eða samtaka?

    Eru einhverjar reglur um úthlutun styrkjanna, eftirfylgni af hálfu ráðuneytanna og mat á árangri af styrkveitingunum?

    Hversu háar fjárhæðir veitir hvert ráðuneyti árlega í styrki sem þessa?

    Með bréfi 10. febrúar 1997 óskaði forsætisráðuneytið eftir svörum ráðuneyta við þeim spurningum sem fram koma í fyrirspurninni. Jafnframt fór ráðuneytið þess á leit að ráðuneyti tilgreindu í svari sínu við 1. tölul. spurningarinnar eingöngu fasta styrki sem veittir eru en ekki tilfallandi styrki sem ráðuneyti veita af ýmsum liðum sem eru beinlínis ætlaðir til slíkra styrkveitinga. Meðal slíkra styrkja má nefna ýmsa safnliði, styrktarsjóði sem heyra undir ráðuneyti, ráðstöfunarfé ráðherra og aðra fjárlagaliði. Fjöldi tilfallandi styrkja af þessari gerð er mikill og taldi ráðuneytið að samkvæmt orðanna hljóðan væri ekki verið að beiðast upplýsinga um sérhverja styrkveitingu eða sérhvern styrkþega. Varðandi svör við 3. tölul. fyrirspurnarinnar óskaði forsætisráðuneytið eftir því að veittar yrðu upplýsingar fyrir sl. þrjú ár, en ekki var tiltekið sérstakt tímabil í fyrirspurninni.
    Þau svör sem forsætisráðuneytinu bárust frá ráðuneytunum og fylgja hér á eftir eru með nokkuð misjöfnu móti, auk þess sem þau eru misjafnlega ítarleg. Af svörunum má glögglega ráða að ráðuneytin hafa mismiklar styrkveitingar með höndum og að eðli styrkjanna er ekki síður fjölbreytilegt. Af svörunum má einnig ráða að nokkrum örðugleikum er háð að gera greinarmun á styrkjum, framlögum og tilfærslum sem ráðuneytin fara með.

Forsætisráðuneyti.
    1. Forsætisráðuneytið veitir árlega ýmsa styrki til félagasamtaka, einstaklinga, fyrirtækja og opinberra stofnana. Styrkina má greina í tvennt. Annars vegar er um að ræða styrki sem veittir eru af ráðstöfunarfé ráðherra og sérstökum ríkisstjórnarlið, sem vistaður er á fjárlögum hjá fjármálaráðuneyti, og hins vegar styrkir sem veittir eru fyrir tilstuðlan styrktarsjóða sem starfandi eru á vegum ráðuneytisins. Þeir sjóðir fá ýmist fé á fjárlögum eða frá öðrum aðilum.
    Styrktarsjóðir sem heyra undir ráðuneytið eru Gjöf Jóns Sigurðssonar, Þjóðhátíðarsjóður, Þjóðhátíðarargjöf Norðmanna og Grænlandssjóður. Að auki má telja ýmis reglubundin framlög og má þar nefna framlag til Þróunarfélags Reykjavíkur sem numið hefur 1,5 m.kr. árlega og árlegt framlag til Hrafnseyrarnefndar sem numið hefur að jafnaði um 1,5 m.kr. á ári.
    2. Allir styrkir sem taldir eru upp í málsgreininni hér að framan eru veittir með reglubundnum hætti. Málefni sjóða ráðuneytisins eru tíðast falin sérstökum stjórnum sem starfa samkvæmt staðfestum skipulagsskrám. Um þær reglur sem lagðar eru til grundvallar úthlutunum, eftirfylgni og mat á árangri af styrkveitingum vísast til gildandi skipulagsskráa.
    Ekki hafa verið settar sérstakar reglur varðandi veitingu þeirra styrkja sem ráðstafað er af ráðuneytinu sjálfu. Umfang þeirra er takmarkað og eðli þeirra oftast slíkt að styrkveitingarnar gefa ekki sérstakt tilefni til formlegrar eftirfylgni.
    3. Samtals námu styrkveitingar ráðuneytins eftirfarandi fjárhæðum sl. þrjú ár samkvæmt upplýsingum úr ríkisbókhaldi.

Ár

m.kr.

,7
,1
,1

    Föst framlög (sbr. 1. tölul.) til Þróunarfélags Reykjavíkur og Hrafnseyrarnefndar eru talin með en ekki útgjöld til Þjóðhátíðarsjóðs, Þjóðhátíðargjafar Norðmanna eða Grænlandssjóðs. Að auki eru hér taldar með styrkveitingar sem forsætisráðherra bar upp í ríkisstjórn og millifærðar voru af ráðstöfunarfé ríkisstjórnar.

Utanríkisráðuneyti.
    Í svari utanríkisráðuneytis við einstökum liðum fyrirspurnarinnar kemur fram eftirfarandi:
    1. Auk styrkja til ýmissa alþjóðlegra samtaka, stofnana, þróunarmála og alþjóðlegrar hjálparstarfsemi, sem ekki er ástæða til að tíunda hér, hafa eftirfarandi fastir styrkir verið veittir á undanförnum þremur árum: Styrkir til Útflutningsráðs, Þjóðræknifélagsins vegna samskipta við Vestur-Íslendinga, til aðila vinnumarkaðarins vegna þátttöku í EFTA- og EES-samstarfi, Samtaka um vestræna samvinnu, Sjávarútvegsháskóla Sameinuðu þjóðanna, Félags Sameinuðu þjóðanna á Íslandi, og styrkir til fyrirtækja til markaðssetningar erlendis. Voru síðasttöldu styrkirnir greiddir með sérstöku framlagi ríkisstjórnar.
    2. Ráðuneytið fylgist með starfi þeirra aðila sem styrkirnir renna til, ýmist með þátttöku í stjórnum, nefndum eða með óformlegum samskiptum. Ákveðnar reglur voru settar um ráðstöfun styrkja til markaðssetningar en úthlutun þeirra fór þannig fram að nefnd fulltrúa utanríkis-, iðnaðar- og viðskiptaráðuneytis, landbúnaðarráðuneytis-, og sjávarútvegsráðuneytis, auk fulltrúa Útflutningsráðs, gerði tillögu til ríkisstjórnar um skiptingu þeirra. Styrkirnir hafa nú verið aflagðir.
    3. Yfirlit yfir styrki sl. þrjú ár:
    Félag um vestræna samvinnu: 100 þús. kr. á ári.
    Orkustofnun vegna Jarðhitaháskóla Sameinuðu þjóðanna 28,5 m.kr. árið 1994, 32 m.kr. árið 1995 og 39,6 m.kr. árið 1996.
    Útflutningsráð 3 m.kr. árið 1994, 4,8 m.kr. árið 1995 og 4,4 m.kr. árið 1996.
    Félag Sameinuðu þjóðanna á Íslandi 750 þús. kr. árið 1994, 800 þús. kr. árið 1995 og 600 þús. kr. 1996.
    Þjóðræknifélagið 1,5 m.kr. árið 1995 og 3 m.kr. árið 1996.               Til aðila vinnumarkaðarins vegna EES-samstarfs 2,2 m.kr. árið 1994, 1,4 m.kr. árið 1995 og 1,2 m.kr. árið 1996.
    Sjávarútvegsháskóli Sameinuðu þjóðanna 3,5 m.kr. árið 1996. Dóms- og kirkjumálaráðuneyti.
    Í svari dóms- og kirkjumálaráðuneytis segir að ráðuneytið veiti enga fasta styrki utan þeirra sem fram koma í fjárlögum, en þar kemur fram (sjá lið 06-190) að veittir eru styrkir til Orators, félags laganema, vegna lögfræðiaðstoðar við almenning og til Mannréttindaskrifstofu Íslands.

Menntamálaráðuneyti.
    1. Styrkveitingar á vegum menntamálaráðuneytisins eru í meginatriðum tvenns konar að því er fjárheimildir varðar. Annars vegar úthlutun úr formlegum sjóðum, hins vegar framlög af svonefndum safnliðum í fjárlögum.
    Gengið er út frá því að fyrirspurnin taki ekki til sjóða sem starfa samkvæmt sérstökum lagaákvæðum og hafa sérgreinda fjárveitingu í fjárlögum. Dæmi um slíka sjóði eru launasjóðir listamanna (lög nr. 35/1991, með síðari breytingum), Menningarsjóður (lög nr. 79/1993), Menningarsjóður félagsheimila (lög nr. 107/1970, með síðari breytingum), þýðingarsjóður (lög nr. 35/1981), Listskreytingasjóður ríkisins (lög nr. 71/1990, með síðari breytingum), Myndlistarsjóður Íslands (reglugerð nr. 244/1993, sbr. höfundalög nr. 73/1972, með síðari breytingum), Kvikmyndasjóður Íslands (lög nr. 94/1984, með síðari breytingum), Húsafriðunarsjóður (lög nr. 88/1989, með síðari breytingum), Menningarsjóður útvarpsstöðva (lög nr. 68/1985, með síðari breytingum) og Íþróttasjóður (lög nr. 49/1956 með síðari breytingum). Barnamenningarsjóður hefur nú sérgreinda fjárveitingu í fjárlögum en hefur ekki verið lögfestur með öðrum hætti að svo komnu. Um hann gilda reglur nr. 246/1994.
    Safnliðiðir sem einkum koma til álita við styrkveitingar á sviði menningarmála, þ.e. til „einstaklinga, fyrirtækja eða samtaka“, eru þessir (miðað er við fjárlög 1997):
    02–919–190 Söfn, ýmis framlög.
    02–982–122 Starfsemi áhugaleikfélaga.
    02–982–124 Starfsemi atvinnuleikhópa.
    02–982–125 Starfsemi hljómsveita.
    02–982–190 Listir.
    02–983–110 Fræðistörf.
    02–983–111 Styrkir til útgáfumála.
    02–988–190 Æskulýðsmál.
    02–989–190 Ýmis íþróttamál.
    Eftirtaldir safnliðir taka til verksviðs ráðuneytisins í heild:
    02–199           Ráðstöfunarfé.
    02–984           Norræn samvinna.
    02–999–190     Ýmis framlög.

    2. Ráðstöfun fjár af safnliðum er með mismunandi hætti eftir viðfangsefnum. Að nokkru marki er ráðstöfun ákveðin af Alþingi samkvæmt „sérstökum yfirlitum“ er fylgja fjárlögum. Það á við að hluta um liðina 02–919–190 Söfn, ýmis framlög, 02–982–190 Listir, 02–988–190 Æskulýðsmál og 02–999–190 Ýmis framlög.
    Úthlutun styrkja til starfsemi áhugaleikfélaga (02–982–122) er ákveðin á grundvelli tillagna Bandalags íslenskra leikfélaga svo sem gert er ráð fyrir í leiklistarlögum. Framlög til atvinnuleikhópa (02–982–124) eru veitt á grundvelli umsókna að fengnum tillögum framkvæmdastjórnar Leiklistarráðs með hliðsjón af sömu lögum.
    Um ráðstöfun framlaga af liðnum 02–982–190 Listir, þ.e. að því leyti sem skiptingin er ekki ákveðin í fjárlögum, hefur frá 1996 verið hafður sá háttur að vekja athygli á fjárveitingunni með auglýsingu í byrjun árs. Miðað er við að úthlutun fari fram nokkrum sinnum á ári á grundvelli umsókna sem fyrir liggja við upphaf hvers úthlutunarskeiðs. Komið hefur verið á fót ráðgjafarnefndum á sviði einstakra listgreina sem veita ráðuneytinu umsögn um umsóknir. Af þessum lið er m.a. veitt fé til starfsemi Bókmenntakynningarsjóðs sem starfar samkvæmt reglum nr. 456/1982.
    Um ráðstöfun framlaga af öðrum safnliðum gildir sú meginregla að framlög eru ákveðin á grundvelli umsókna, oft að fengnum umsögnum eftir eðli máls.
    Þegar styrkveiting er tilkynnt umsækjanda er jafnframt tekið fram að greinargerð um notkun styrkfjárins skuli send ráðuneytinu fyrir tiltekinn tíma.
    3. Greiðslur styrkja af eftirtöldum fjárlagaliðum árin 1994–96 eru sem hér segir í þús. kr.:

1994

1995

1996

8.705 4.450
14.000 14.000
13.400 12.950
02–982–125 Starfsemi hljómsveita (fyrst 1997)
41.817 56.874
1.176 2.162     
140 2.138
13.450 6.100
9.694 1.680
18.000 14.115
23.742 8.001
7.268 3.812     

Fjármálaráðuneyti.
    Í svari fjármálaráðuneytis segir að utan þeirra styrkja sem greiðast af ráðstöfunarfé ráðherra, og veittir eru samkvæmt ákvörðunum hans, veiti fjármálaráðuneytið eingöngu styrki til stjórnmálaflokka samkvæmt fjárlögum og umsóknum stjórnmálaflokka. Sérstök nefnd gerir tillögu um skiptingu þess fjár sem rennur til starfsemi stjórnmálaflokkanna en ekki er haft sérstakt eftirlit með því hvernig því fé er varið.

Landbúnaðarráðuneyti.
    Í svari landbúnaðarráðuneytis kemur fram eftirfarandi:
    1. Ráðuneytið hefur veitt þessa styrki á árunum 1994–1996 (tölur í m.kr.):

1994

1995

1996

,0 3 ,0


Umhverfisráðuneyti.
    Í svari umhverfisráðuneytis segir að ekki séu veittir fastir styrkir á vegum þess og að ekki séu í gildi fastar reglur um veitingu þeirra. Eingöngu eru veittir styrkir til verkefna sem tengjast umhverfismálum. Ráðueytið veitti á sl. þremur árum samtals styrki sem hér segir: 6,8 m.kr. á árinu 1994, 7,5 m.kr. á árinu 1995 og 11,6 m.kr. á árinu 1996.

Iðnaðarráðuneyti.
    Svar iðnaðarráðuneytis er eftirfarandi:
    1. Á vegum iðnaðarráðuneytis eru eftirfarandi fastir styrkir á fjárlögum: Styrkir til verkstjórnarfræðslu, til Staðlaráðs, til sjóðs til eflingar atvinnulífi í Mývatnssveit og vegna viðskiptafulltrúa í Moskvu.
    2. Um aðra styrki en þá sem ákveðnir eru á fjárlögum er að jafnaði tekin ákvörðun á fundi ráðherra, ráðuneytisstjóra, aðstoðarmanns ráðherra og fjármálastjóra. Sé um stærri verkefni að ræða er óskað skýrslu um ráðstöfun styrkfjárhæðar og árangur.
    Á árinu 1995 gerðu iðnaðar- og viðskiptaráðuneyti, Iðnlánasjóður og Iðntæknistofnun Íslands sérstakan samstarfssamning um átak til atvinnusköpunar. Samningurinn tekur til verkefna sem samstarfsaðilarnir hafa einn eða fleiri staðið að ásamt nýjum verkefnum sem leiða til nýsköpunar í atvinnulífinu. Iðnaðar- og viðskiptaráðuneyti, Iðnlánasjóður, Iðnþróunarsjóður og Iðntæknistofnun eru fjármögnunaraðilar samningsins. Framkvæmd samningsins er í höndum Iðntæknistofnunar en markmið samningsins er þríþætt:
    Að standa sameiginlega að verkefnum sem stuðla að atvinnusköpun og aukinni samkeppnishæfni atvinnulífsins.
    Að samræma verkefni til hvatningar og stuðnings lítilla og meðalstórra fyrirtækja svo og einstaklinga á sviði atvinnu- og nýsköpunar.
    Að hvetja til aukins alþjóðasamstarfs fyrirtækja á sviði markaðsmála og tækniyfirfærslu. Innan ramma verkefnis þessa eru veittir styrkir til ýmissa þróunarverkefna, sem áður voru veittir af ráðuneytinu.
    3.     Á meðfylgjandi yfirliti kemur fram hvaða fjárhæðir hafa verið greiddar af tilfærslum og styrkjum til stofnana í A-hluta ríkisreiknings, fyrirtækja og atvinnuvega, einstaklinga heimila og samtaka (sbr. bókunartegundir 5910 til 5914 í ríkisbókhaldi). Niður greiðslur á húshitun, sem einnig eru færðar sem tilfærsluliður til einstaklinga, heimila og samtaka, eru ekki taldar með. Heildarfjárhæðir eru eftirfarandi:

Ár

m.kr.

,5
,4
,2


Viðskiptaráðuneyti.
    Svar viðskiptaráðuneytis er eftirfarandi:
    1. Viðskiptaráðuneytið veitir fasta styrki til Neytendasamtakanna og „Icepro“-nefndar.
    2. Sjá svar iðnaðarráðuneytis, 2. tölul.
    3. Á meðfylgjandi yfirliti kemur fram hvaða fjárhæðir hafa verið greiddar af tilfærslum og styrkjum til stofnana í A-hluta, fyrirtækja og atvinnnuvega, einstaklinga, heimila og samtaka (sbr. bókunartegundir 5910 til 5914 í Ríkisbókhaldi). Heildarfjárhæðir eru eftirfarandi:

Ár

m.kr.

,9
,4
,7


Heilbrigðis- og tryggingamálaráðuneyti.
    1. Eftirtöldum félagasamtökum og stofnunum eru veittir árlegir óendurkræfir styrkir (tilfærslur á fjárlögum): Endurhæfingarstöð Styrktarfélags lamaðra og fatlaðra, Sjálfsbjörg Akureyri, Sumardvalarheimili í Reykjadal, Endurhæfingarstöð hjarta- og lungnasjúklinga, Reykjavík, Endurhæfingarstöð Geðverndarfélags Íslands, Gigtlækningastöð Gigtarfélags Íslands, Endurhæfingarstöð hjarta- og lungnasjúklinga, Akureyri, Krabbameinsfélag Íslands – krabbameinsskráning, Krabbameinsfélag Íslands – krabbameinsleit, Hjartavernd, Monica-rannsóknir, Hjartavernd – rannsóknarstöð, Krísuvíkurskóli – vist- og meðferðarheimili.
    Auk ofangreindra fastra styrkja (tilfærslna) eru á fjárlögum hverju sinni óskiptar fjárveitingar sem nýttar eru til ýmissa styrkveitinga til einstaklinga, félagasamtaka og stofnana, eða sem hér segir: Málefni fatlaðra – styrkir til ýmissar starfsemi, Málefni fatlaðra – styrkir til ýmissa framkvæmda, Heilbrigðismál, ýmis starfsemi, ýmis framlög.
    2. Þeim stofnunum og félagasamtökum sem veittir eru fastir árlegir styrkir (tilfærslur) er gert að skila árlega fjárlagatillögum fyrir komandi ár. Við gerð fjárlaga er af hálfu ráðuneytis farið yfir stöðu hvers styrkþega fyrir sig, enda fylgja með fjárlagatillögum þeirra tölulegar upplýsingar um reksturinn ásamt greinargerð. Hér er í öllum tilvikum verið að veita styrki til félagasamtaka og stofnana sem eru með reglubundna starfsemi, á sviði forvarna, endurhæfingar eða rannsókna.
    Í annan stað eru þjónustusamningar grundvöllur greiðslu styrkja, t.d. til Krabbameinsfélags Íslands vegna krabbameinsleitar. Hinn 1. janúar sl. tók einnig gildi þjónustusamningur við Hjartavernd um kaup á þjónustu af rannsóknarstöð Hjartaverndar. Þá er nú unnið að gerð þjónustusamnings við Krabbameinsfélag Íslands um krabbameinsskrána. Í samningum þessum er gerð ítarleg krafa um árangur af styrkveitingunni.
    Hvað varðar óskiptar fjárveitingar á fjárlögum ber þess að geta að fjárlaganefnd Alþingis skiptir ákveðnum hluta óskiptrar fjárveitingar sem er á fjárlagaliðum 08–399–1.90 Heilbrigðismál, ýmis starfsemi, ýmis framlög, en ráðuneytið því sem eftir stendur þegar úthlutun fjárlaganefndar liggur fyrir.
    Ráðuneytið hefur sett ákveðnar reglur um úthlutun styrkja af óskiptum fjárlagaliðum og er þar átt við eftirfarandi fjárlagaliði: Málefni fatlaðra – styrkir til ýmissar starfsemi, Málefni fatlaðra – styrkir til ýmissa framkvæmda, Heilbrigðismál, ýmis starfsemi, ýmis framlög (sjá fylgiskjal I).
    3. Ráðuneytið vísar til meðfylgjandi yfirlits, þar sem fram koma fjárhæðir greiddra fastra styrkja (tilfærslna) sl. þrjú ár, auk heildarfjárhæða annarra styrkja sem veittir voru á tímabilinu (sjá fylgiskjal II).

Hagstofa Íslands.
    Hagstofa Íslands veitir enga fasta styrki og hefur ekki gert undanfarin þrjú ár.

Samgönguráðuneyti.
    Í svari samgönguráðuneytis kemur fram eftirfarandi:
    1. Eftirtaldir styrkir voru veittir samkvæmt ákvæðum fjárlaga (1994–96):

Ár

Þús. kr.

33.600
32.000
               1994 31.500

18.200
20.200
               1994 18.200

4.200
0
               1994 6.000

16.700
16.700
               1994 16.700

9.000
2.000
7.000
2.000          
9.000

1.000
1.000
               1994 1.000

    Ekki eru taldir upp hérna tæplega 50 styrkir sem veittir eru til vetrarsamgangna og vöruflutninga en flestir eru þeir greiddir til sveitarfélaga eða aðila sem þau tilnefna. Einnig eru greiddir nokkrir styrkir til flugfélaga sem fljúga til fámennra staða og til sjúkraflugs en gerð er grein fyrir þeim styrkveitingum í fjárlögum.
    2. Lögð er fram rökstudd beiðni um framlag á fjárlögum og er fylgst með ráðstöfun styrkjanna.
    3. Sjá svar við 1. tölul.
Félagsmálaráðuneyti.
    Í svari félagsmálaráðuneytis koma fram eftirfarandi svör við einstökum liðum fyrirspurnarinnar:
    1. Styrki á vegum félagsmálaráðuneytisins fá ýmis samtök er sinna líknar-, félags- og vinnumálum. Um er að ræða samtök er sinna málefnum vinnumarkaðarins, málefnum fatlaðra, málefnum barna eða annarra þjóðfélagshópa. Þessir styrkir eru ákvarðaðir með þrennum hætti: a. fjárlaganefnd Alþingis tekur ákvörðun um nokkra þeirra við afgreiðslu fjárlaga, b. félagsmálaráðherra skiptir fjárveitingum sem ákveðnar eru til tiltekinna verkefna af fjárlaganefnd, c. um er að ræða styrki sem sótt er um til félagsmálaráðuneytisins og ráðherra tekur ákvörðun um samkvæmt heimildum fjárlaga.
    2. Félagsmálaráðuneytið veitir yfirleitt ekki styrki til samtaka sem fá styrki frá öðrum ráðuneytum. Meginregla varðandi styrkveitingar sem félagsmálaráðuneytið tekur ákvörðun um er sú að styrkir eru veittir á grundvelli umsókna þar sem sótt er um fjármagn til ákveðinna verkefna eða málefna. Í flestum tilvikum gera aðilar grein fyrir hvernig styrkurinn var nýttur.
    3. Á árunum 1994 til 1996 voru fjárhæðir styrkja sem veittir voru á vegum félagsmálaráðuneytisins sem hér segir:

Ár

þús. kr.

    Styrkir félagsmálaráðuneytisins sl. þrjú ár eru eftirfarandi (fjárhæðir í þús. kr.):
    Styrkir ákveðnir við afgreiðslu fjárlaga af fjárlaganefnd.

1996

1995

1994

200 200
3.000 2.900
700
1.000
3.000 2.500
500 1.000
3.500 3.000
300 250
400 700
2.000 2.000
1.500
500 600
300
3.000 3.000
2.500 2.500
200 1.000
1.000 1.000
500
350 200
1.000
1.500 1.500
500 500
24.950 25.350
    Fjárveiting ákveðin af fjárlaganefnd en skipting ákveðin af félagsmálaráðherra:

1996

1995

1994

10.730 10.900
2.480 2.520
500 900
1.300 1.300
1.600 1.675
100 100

5.790 5.880
22.500 23.275

    Styrkir ákveðnir af félagsmálaráðherra:

1996

1995

1994

1.jan.–30.apr.

1.maí–31.des

625
200
400
2.000
300
25
500
65
150
800

100
75
100 250

200

100
290
50


250 200

100



75 75
75
400 150
100
300
850
500 80 50
200 50
100 50
150
30
400
150 150
150 150
150
400 500
60
100
285
75
250
300
264

150
150
200
200
300

150
50
60
100
300 1.350
200 50
40 80
200

100
25
150
50


120
40
4.285 2.895 10.284