Jóhanna Sigurðardóttir (um fundarstjórn):
Herra forseti. Ég hef beint ákveðnum fyrirspurnum til hæstv. dómsmrh. sem hann mun væntanlega svara í lokaræðu sinni. Ég hafði ætlað mér að nýta seinni ræðutíma minn til að koma aftur inn á þessi mál eftir því sem svör ráðherra gæfu tilefni til. Er eitthvað í þingsköpum sem kemur í veg fyrir að ég geti nýtt mér síðari ræðutíma minn eftir að hæstv. ráðherra hefur kvatt sér hljóðs í annað sinn?