[prenta uppsett í dálka] 58. fundur
Svavar Gestsson:
Herra forseti. Fyrir hv. utanrmn. liggur tillaga um breytta afstöðu Íslendinga varðandi viðskiptabannið. Það á auðvitað að afgreiða þá tillögu. Það er kjarni þessa máls að Alþingi taki afstöðu til þess hvaða skoðun það hefur sem slíkt á viðskiptabanninu. Það sýnir náttúrlega sérkennilega stöðu málsins að núverandi ríkisstjórn hefur í raun ekki tekið formlega afstöðu í málinu, hefur ekki afgreitt það með sínum hætti. Ég skora því á þingið og sérstaklega formann utanrmn. að beita sér fyrir því að sú tillaga sem legið hefur fyrir nefndinni óafgreidd í þrjú ár verði afgreidd.
