[prenta uppsett í dálka] 60. fundur
Siv Friðleifsdóttir (andsvar):
Herra forseti. Ef ég les þetta með mínum gleraugum sem hæstv. ráðherra var að lesa þá hljómar þetta svona: ,,... að eigi íbúar tiltekins sveitarfélags upprekstrarrétt í afrétt sem ekki hefur verið skipað innan staðarmarka neins sveitarfélags skuli hann`` --- hann hvað? --- upprekstrarrétturinn eins og ég hef skilið það? --- ,,þá teljast til þess sveitarfélags. Ef íbúar fleiri en eins sveitarfélags eiga upprekstrarrétt í afréttinn og ekki næst samkomulag um til hvers þeirra hann`` --- þ.e. upprekstrarrétturinn --- ,,skuli teljast sker ráðuneytið úr.``
Þetta hefur hæstv. ráðherra túlkað sem svo að þá fari viðkomandi sveitarfélag líka með stjórnsýsluréttinn. Ég hef ekki skilið það svo þannig að ég spyr: Breytir breytingin á bráðabirgðaákvæðinu ekki túlkun hæstv. ráðherra á lagagreininni?
