Jóhanna Sigurðardóttir (um fundarstjórn):
Herra forseti. Þetta hafa verið mjög áhugaverðar umræður sem hér hafa farið fram og maður hefur á tilfinningunni að maður hafi verið staddur á þingflokksfundi hjá Framsfl. síðustu mínúturnar fremur en inni í þingsal.
Ég vil spyrja hæstv. forseta, vegna þess að það er a.m.k. mjög áhugavert að skoða það, hvort einhver fordæmi séu fyrir því í þingsögunni að þingmaður sem ekki er í Framsfl. geti óskað eftir áheyrnaraðild að næsta þingflokksfundi framsóknarmanna. (ÖS: Forsrh. brennur í skinninu eftir að fá að svara þessu.) (Gripið fram í: Þú ert velkominn ef þú þegir bara.)