[prenta uppsett í dálka] 70. fundur, 122. lþ.
Arnbjörg Sveinsdóttir:
Hæstv. forseti. Ég vil þakka fyrirspyrjanda og hæstv. ráðherra fyrir svörin. Ég held að verðlagning Landsvirkjunar til almenningsveitnanna sé veigamikið atriði í þessu sambandi. Ég er með tölur um það að Rarik skili Landsvirkjun árlega um 700 millj. kr. umfram langtímajaðarkostnað. Það segir sig sjálft að auðvitað kemur það fram í orkuverði Rariks þegar orkuöflunin er svo dýr. Á þjónustusvæði Rariks eru um 24% landsmanna en þeir skapa 42% af tekjum Landsvirkjunar til almenningsveitna. Þessar tölur segja einnig að íbúar á þjónustusvæði Rariks standa undir afborgunum, vöxtum og ekki síst arðgreiðslum til Reykvíkinga og Akureyringa, í meira mæli en aðrir landsmenn. Við gætum svo sem spurt okkur um réttlæti þess.
