[prenta uppsett í dálka] 78. fundur, 122. lþ.
Birna Sigurjónsdóttir:
Hæstv. forseti. Mig langar að taka undir með hv. þm. Svanfríði Jónasdóttur um þörfina fyrir að auka umræðu um skólastarf, sérstaklega í tengslum við birtingu á niðurstöðum samræmdra prófa. Það sem mig langar kannski að bæta við er að ekki er síður þörf á að beina sjónum að samræmdu prófunum sjálfum. Eru þau besti mælikvarðinn sem við getum hugsað okkur á skólastarfið? Þetta þarf alltaf vera með í umræðu um þessi mál.
