Forsætisráðherra (Davíð Oddsson) (andsvar):
Herra forseti. Þetta mál er ágætlega unnið og kemur að miklu gagni fyrir fólkið í landinu og fyrirtækin. Ég vek athygli á þessum orðum sem ég nefndi áðan varðandi yfirskattanefnd og í þriðja lagi vek ég athygli á því að frv. er í sjálfu sér líklegt til að létta álaginu af yfirskattanefnd ef menn geta með sæmilegum hætti gert ráðstafanir fyrir fram þannig að þeir þurfi ekki að lenda upp á kant við skattkerfið, heldur vita nákvæmlega hvar þeir standa að mati skattstofunnar og það er líklegt til þess að fækka mjög úrskurðum sem ganga til yfirskattanefndar og síðan til dómstóla.