Sjávarútvegsráðherra (Þorsteinn Pálsson):
Herra forseti. Varðandi fyrri lið fyrirspurnarinnar er það að segja að embættismenn hafa rætt þau sjónarmið sem fram komu í yfirlýsingu ríkisstjórnarinnar við nokkrar erlendar ríkisstjórnir og þar á meðal fulltrúa Bandaríkjastjórnar.
Varðandi síðari liðinn vænti ég þess að samráðshópurinn sem var skipaður geti komið saman innan tíðar til þess að fjalla frekar um framhald málsins.