Guðný Guðbjörnsdóttir:
Virðulegi forseti. Eins og aðrir þingflokkar stjórnarandstöðunnar þá munum við kvennalistakonur ekki styðja það að frv. um kjaramál fiskimanna fái flýtimeðferð á Alþingi. Það er algerlega óásættanlegt að samningsrétturinn sé tekinn af sjómönnum með lögum enn einu sinni. Að sjómenn og útgerðarmenn geti ekki leitt sín kjaramál til lykta á eigin forsendum sýnir okkur í hvaða óefni er komið með hið lagalega umhverfi þessarar stéttar. Þetta er algerlega óviðunandi og því munum við sitja hjá við því að veita þessu flýtimeðferð.