[prenta uppsett í dálka] 94. fundur, 122. lþ.
Félagsmálaráðherra (Páll Pétursson) (andsvar):
Það er náttúrlega fjarri lagi, herra forseti, að hægt sé að skoða lögfestingu þessarar miðlunartillögu sem eitthvert vantraust á vinnulöggjöfina. Það er auðvitað fjarri lagi. Það var aldrei möguleiki á að búa til vinnulöggjöf sem tryggði það í öllum tilfellum og ævinlega að öllum kjarasamningum lyki með samkomulagi og þá er þetta þrautaráð eftir sem öllum er að sjálfsögðu mjög nauðugt að beita.
