[prenta uppsett í dálka] 96. fundur, 122. lþ.
Guðný Guðbjörnsdóttir:
Virðulegi forseti. Við kvennalistakonur áteljum harðlega frv. um kjaramál fiskimanna sem nú á að fara að samþykkja sem lög. Enn einu sinni á að setja lög á kjaradeilur sjómanna. Við mótmælum þeirri lagasetningu en munum sitja hjá við atkvæðagreiðslur um hin frv. þrjú sem hefur verið breytt í veigamiklum efnisatriðum frá því að þau voru lögð fram. Sú leið sem hér er valin verður því að teljast alfarið á ábyrgð ríkisstjórnarinnar.
