Utanríkisráðherra (Halldór Ásgrímsson):
Herra forseti. Ég mæli fyrir þáltill. um fullgildingu stofnsamnings Fjölþjóðlegu fjárfestingarábyrgðastofnunarinnar sem er á vegum Alþjóðabankans. Þessi stofnun gengur daglega undir nafninu MICA. Hér er um mjög mikilvæga stofnun að ræða sem kemur til aðstoðar í þróunarlöndum og greiðir fyrir fjárfestingu einkaaðila í þessum löndum. Aðilar sem annars hefðu ekki fjárfest í þessum löndum töldu sig reiðubúna til að gera það vegna ábyrgðar þessarar stofnunar.
Ég vil leggja til, hæstv. forseti, að að lokinni þessari umræðu verði málinu vísað til hv. utanrmn.