Forsætisráðherra (Davíð Oddsson):
Herra forseti. Friðrik Sophusson fjmrh. hefur beðist lausnar frá embætti sínu með bréfi, dags. 14. apríl. Friðrik Sophusson hefur gegnt embætti sínu í tæp sjö ár með miklum ágætum og góðum árangri. Honum eru þökkuð góð störf og óskað velfarnaðar.
Að tillögu forsrh. hefur forseti Íslands á ríkisráðsfundi í dag skipað Geir H. Haarde alþm. til að gegna embætti fjmrh. í ríkisstjórninni. Honum er óskað allra heilla og velferðar í störfum.
Þá hefur í dag verið ákveðið, sem vera mun fordæmalaust eða fordæmalítið, að framvegis skuli hæstv. utanrrh. verða staðgengill forsrh. í forföllum hans og forsrh. staðgengill utanrrh. í forföllum hans. Þetta tilkynnist hv. Alþingi hér með.