[prenta uppsett í dálka] 106. fundur, 122. lþ.
Margrét Frímannsdóttir (andsvar):
Virðulegi forseti. Fyrst og fremst er hér um að ræða samning sem tryggir rétt einstaklingsins. Það kemur mjög skýrt fram. Í 10. gr. segir:
,,Allir eiga rétt að einkalíf þeirra sé virt að því er varðar upplýsingar um heilbrigði þeirra.`` Allir eiga þennan rétt.
Í upphafi samningsins eru taldir upp fjöldamargir aðrir samningar sem hafa ber í huga við undirritun þessa samnings. Einn þeirra samninga er um vernd einstaklinga varðandi vélræna vinnslu persónuupplýsinga, frá 28. jan. 1981.
