[prenta uppsett í dálka] 112. fundur, 122. lþ.
Frsm. menntmn. (Sigríður A. Þórðardóttir) (andsvar):
Herra forseti. Ég bendi hv. þm. Kristni H. Gunnarssyni á að hyggilegt er að lesa brtt. hv. menntmn. og lögin eins og þau gilda í dag og síðan frv. til þess að fá einhverja niðurstöðu í það sem menntmn. var að gera. Ég stend við það sem ég sagði áðan að þær breytingar sem við höfum verið að gera eru í frjálsræðisátt. Menntmn. var einróma í nál. sínu og brtt. og ég tel að hún hafi farið mjög nákvæmlega ofan í málið og allar þessar breytingar fullyrði ég að eru mjög til bóta.
