[prenta uppsett í dálka] 113. fundur, 122. lþ.
Siv Friðleifsdóttir (andsvar):
Virðulegur forseti. Hér er ekki um lítið skref að ræða. Þetta er aðalmálið. Skipulags- og byggingarmál á miðhálendinu eru aðalmálið. Þar felst valdið á miðhálendinu.
Hv. þm. Rannveig Guðmundsdóttir ræddi áðan um valdníðslu og hroka. Ég minni Alþfl. á að undir stjórn þeirra var málum komið í þennan farveg. Það eina skipulag sem er núna búið að vinna á miðhálendinu er undir nefnd sem einungis aðiliggjandi hreppar eiga fulltrúa í. Þar er enginn frá þéttbýlissvæðunum. Núna á að taka á því, það á að bæta við fólki af þéttbýlissvæðunum í þessa vinnu og svo er verið að tala um valdníðslu og hroka. Ég vísa því bara til föðurhúsanna.
