[prenta uppsett í dálka] 113. fundur, 122. lþ.
Frsm. minni hluta félmn. (Rannveig Guðmundsdóttir) (andsvar):
Virðulegi forseti. Mér finnst þetta alveg ótrúlegur málflutningur. Ég hef verið að vona að sú stund rynni upp að Hjörleifur Guttormsson tæki frekar í útrétta hönd í umræðu í umhverfismálum en falla ávallt í þá sömu gryfju að berja á Alþfl. Við höfum alltaf haft sama málflutning uppi og við erum búin að fara áður í gegnum hann, alltaf með nákvæmlega sömu viðbrögðum hv. þm. Hjörleifs Guttormssonar. Það er ekkert í því sem hann hefur lesið sem segir að samvinnunefndin hafi átt að skipta hálendinu upp í sveitarfélög. Hér höfum við sett fram skoðun sem ég hélt að Hjörleifur Guttormsson mundi frekar styðja en berja sífellt á í gamalli andúð á Alþfl. sem hann kemst ekki út úr.
