Umhverfisráðherra (Guðmundur Bjarnason):
Hæstv. forseti. Frv. það sem hér er lagt til að tekið sé á dagskrá var afgreitt þannig í ríkisstjórn að það yrði lagt fram til kynningar í þinginu eins og oft er með frumvörp á seinustu dögum þings. Það yrði ekki tekið til umræðu eða til afgreiðslu. Það var samþykkt þannig í báðum stjórnarflokkunum. Það eru fjölmörg þýðingarmikil mál á dagskrá þessa þings sem þarf taka til umræðu og afgreiða á seinustu dögunum og þess vegna er ástæðulaust að breyta þessari ákvörðun sem ríkisstjórn og stjórnarflokkar hafa tekið. Ég segi því nei.