Kristín Ástgeirsdóttir:
Hæstv. forseti. Í nál. meiri hluta félmn. kemur fram að ég hef sterkan fyrirvara við sveitarstjórnarfrv. sem lýtur fyrst og fremst að 1. gr. þess. Í nál. segir að sá fyrirvari lúti að því að gera þurfi breytingar á skipulags- og byggingarlögum samhliða afgreiðslu þessa frumvarps eigi skipulag hálendis Íslands að vera ásættanlegt.
Nú virðist stefna í það, hæstv. forseti, að það frv. sem lagt hefur verið fram, um breytingu á skipulagslögum, fái ekki að koma hér á dagskrá og það setur auðvitað málið og minn stuðning við sveitarstjórnarfrv. í mikið uppnám. En við sjáum hvað setur. Ég segi já.