Össur Skarphéðinsson (andsvar):
Herra forseti. Mér finnast þau fjögur atriði sem hv. þm. nefndi ekki nægilega góð útskýring á því hvernig hann vill styrkja 12. gr. með tilliti til samvinnunefndarinnar. Ég tek það líka fram, herra forseti, að ég nefndi þó tvö þessara atriða í minni ræðu.
Ég bendi hins vegar á að 2. mgr. 12. gr. skipulagslaganna virðist skjóta loku fyrir að þessi skilningur hv. þm. á 6. mgr. nái fram að ganga. Sá partur miðhálendisins sem hann er að tala um að þörf sé á að skipuleggja með öðrum sveitarfélögum er að mínu viti utan sveitarfélaganna, nema að þessu frv. til sveitarstjórnarlaga samþykktu.