[prenta uppsett í dálka] 121. fundur, 122. lþ.
Ágúst Einarsson:
Herra forseti. Þetta mál er ekki fullrætt í þjóðfélaginu. Fjölmargir einstaklingar og samtök hafa óskað eftir að meiri tími verði gefinn til umræðu í sumar um þetta mikilvæga mál. Það ber enga brýna nauðsyn til að afgreiða frv. fyrir haustið. Afstaða ríkisstjórnarflokkanna um að knýja á lögfestingu þessa mikla deilumáls sýnir lítilsvirðingu gagnvart þessum fjölmörgu einstaklingum. Þetta er einnig þinglega óvönduð málsmeðferð. Stór hluti þessa máls, þ.e. frv. umhvrh., verður hvorki rætt né afgreitt núna í vor. Afgreiðsla meiri hlutans er blaut tuska framan í þjóðina. Við frestuðum gagnagrunnsmálinu sem þurfti einnig meiri umræðu.
Ég styð því tillöguna um að vísa þessu máli frá.
