[prenta uppsett í dálka] 121. fundur, 122. lþ.
Siv Friðleifsdóttir:
Virðulegur forseti. Ég var með fyrirvara við þetta frv. Hann gekk út á það að ég vildi að miðhálendið yrði skipulagt sem ein heild og að fulltrúar allra landsmanna kæmu að þeirri ákvörðun. Með breytingu á skipulags- og byggingarlögum sem staðfest verður í haust er komið til móts við mín sjónarmið. Það er tryggt að miðhálendið verði ein heild en ekki skipulagt í 42 sneiðum. Einnig verður íbúum Reykjavíkur, Reykjaness og Vestfjarða tryggð aðkoma að svæðisskipulaginu.
Auk þessa skal sú stefna sem fram kemur í svæðisskipulagi færð inn í aðalskipulag hlutaðeigandi sveitarfélaga og staðfest sem slík. Þannig verður fyllsta samræmis gætt í skipulagsvinnu miðhálendisins. Ég segi því já.
