Jóhanna Sigurðardóttir:
Herra forseti. Markmiðssetning þessarar greinar um öryggi og jafnrétti í húsnæðismálum er í engu samræmi við efni frv. sem úthýsa mun úr húsnæðiskerfinu hundruðum láglaunafólks. Þetta er frv. um óöryggi og ójafnrétti í húsnæðismálum láglaunafólks. Ákvæðið er því öfugmæli og stenst ekki.
Ég vil mótmæla því, herra forseti, að stjórnarandstaðan þurfi að hjálpa þessu frv. í gegn á þessum fundi þegar meiri hlutinn hefur ekki þingstyrk til að koma því í gegn. Ég tek því undir að þessari atkvæðagreiðslu verði frestað og greiði þessari grein ekki atkvæði.