Ögmundur Jónasson:
Hæstv. forseti. Ástæðan fyrir því að tilvísun til einstaklinga er felld brott er sú að almennu lánin sem fjallað er um í þessari lagagrein eiga að ná til lána á vegum félagasamtaka einnig, Búseta, Öryrkjabandalagsins og námsmannaíbúða. Þetta mun hafa í för með sér stórauknar byrðar á þessa aðila og þar af leiðandi þyngja kjör námsmanna, öryrkja og annarra þeirra sem fá húsnæði í gegnum þessa aðila. Hér er komin ein meginskýringin á mótmælum Öryrkjabandalagsins, Sjálfsbjargar, Búseta og annarra þeirra sem sýsla með félagslegt húsnæði í landinu, en þeir krefjast þess m.a. vegna þessrar lagagreinar að frv. verði frestað.