Jóhanna Sigurðardóttir:
Herra forseti. Hér er að finna ákvæði um að 10% útborgun einstaklinga sé skilyrði lánveitingar. Rök ráðherrans eru að þeir sem fái 100% lán fari annaðhvort á hausinn eða séu í bullandi vanskilum. Staðreyndin er sú að aðeins 17% af þeim 600 sem fengið hafa 100% lán hafa lent í vanskilum. Einungis með þessu ákvæði vísar ráðherra félags-, húsnæðis- og atvinnumála um 200 manns á guð og gaddinn og í leiguíbúðir sem ekki eru til. Ég á ekki von á að það raski svefni ráðherrans en skömm hans er mikil, herra forseti.