Jóhanna Sigurðardóttir:
Herra forseti. Hér er um að ræða heimild til að selja leigutaka eignarhlut í íbúð. Engin viðhlítandi skýring hefur fengist á því hvernig á að framkvæma þessa grein eða hvort og hverjum hún muni gagnast. Þetta ákvæði er því dautt og ómerkt nema framkvæmdir verði með þeim hætti að leigugreiðslur geti gengið upp í kaupin og samhliða leigusamningi verði gerður samningur um greiðslu 10% útborgunar sem dreifa má á 5--10 ár eins og húsnæðisnefnd Reykjavíkur leggur til. Svipað ákvæði var í húsnæðislöggjöfinni 1983 og gagnaðist það fáum. Ef þetta á að vera ákvæði sem á að friða samvisku þeirra sem hafa hana slæma vegna þessa frv. er þetta ákvæði lítils virði.