Einar K. Guðfinnsson:
Virðulegi forseti. Hér erum við að ganga til atkvæða um grundvallarlagasetningu um sjálft sveitarstjórnarstigið í landinu. Í þessari lagasetningu er tekið á fjölmörgum þáttum er þessi mál varðar og horfa til bóta fyrir sveitarstjórnarstigið og stjórnskipunina í landinu. Því miður hafa umræðurnar að langmestu leyti snúist um annað en þau fjölmörgu atriði sem þetta viðurhlutamikla frv. hefur að geyma. Meginatriði í íslenskri stjórnskipan er skipting í tvö stjórnsýslustig, ríkisvald og sveitarstjórnarstig sem hvoru um sig er markað skýrt hlutverk. Með þessu frv. sú grundvallarhugsun innsigluð og því segi ég já.