[prenta uppsett í dálka] 135. fundur, 122. lþ.
Sighvatur Björgvinsson:
Herra forseti. Í gær var hæstv. forsrh. afhent áskorun frá félagasamtökum sem telja samtals 120 þús. Íslendinga. Áskorunin var á þá leið að hálendisákvæðum þessa frv. yrði frestað. Því hefur hæstv. forsrh., ríkisstjórnin og stjórnarmeirihlutinn hafnað.
Í grein í Morgunblaðinu í dag þegar fjallað er um þetta mál er sagt að þá sé ekki um annað að gera fyrir þá 120 þús. landsmenn sem ekki er hlustað á en að láta skoðun sína í ljósi við atkvæðagreiðslu til næstu alþingiskosninga. Undir það tek ég.
