Sigríður A. Þórðardóttir:
Herra forseti. Í samræmi við ríkjandi sjónarmið um inntak eignarréttar er í frv. fylgt þeirri skipan sem viðurkennd hefur verið í löggjöf og réttarframkvæmd að eignarréttur á auðlindum í jörðu eignarlanda og innan netlaga í vötnum og sjó fylgi landareign. Þessi brtt. stjórnarandstöðunnar gengur þvert á núverandi skipan þessara mála og felur í sér stórkostlega takmörkun á eignarrétti. Slík afmörkun sem tillagan felur í sér er þar að auki illframkvæmanleg og óskýr. Ég segi nei.