Hjörleifur Guttormsson:
Virðulegur forseti. Ég tel að ýmislegt í 4. gr. frv., sem við erum að greiða atkvæði um, orki verulega tvímælis, sérstaklega það sem kemur fram í næstsíðustu efnisgrein sem hljóðar svo:
,,Sömu aðilar og taldir eru í 2. mgr. geta vísað ágreiningsmálum varðandi dýralæknisþjónustu til ráðsins.``
Hér er búin til eins konar úrskurðarnefnd, að því er virðist, en þannig er um hnútana búið, eins og fram kemur í nál., að mér er mjög til efs að þessi nefnd geti starfað sem slík. Þetta er einn af ágöllum þessa máls og ég treysti mér ekki til að styðja þessa lagagrein.