Svavar Gestsson:
Herra forseti. Vandi þessa máls hefur verið sá að samgrh. og ríkisstjórnin hafa dregið lappirnar í þessu máli. Þess vegna hefur ekki verið hægt að komast að eðlilegum ákvörðunum m.a. á grundvelli þessa aðalskipulags Reykjavíkur sem nú liggur fyrir. Ríkisstjórnin hefur verið þversum. Nú er hæstv. samgrh. loksins að rumska. Þó að það sé í litlu þá er það betra en ekki neitt að hafa þessar 29 millj. Vonandi verður það betra næst þegar á þessu máli verður tekið og það gæti kannski verið búið að skipta um samgrh. Hver veit.