[prenta uppsett í dálka] 140. fundur, 122. lþ.
Ásta R. Jóhannesdóttir:
Herra forseti. Það er margt gagnrýnivert í þessari vegáætlun en sérstaklega vil ég lýsa áhyggjum mínum yfir því að miðað við fjárveitingar til höfuðborgarsvæðisins verður ekki hægt að koma á nema broti af þeim framkvæmdum sem nauðsynlegar eru á svæðinu og þetta mun bitna mjög á nauðsynlegum endurbótum á fjölförnum stöðum þar sem umferðartafir eru nú mjög verulegar. Ég bendi á Vesturlandsveginn um Mosfellsbæ og inn í Reykjavík. Ég hef áhyggjur af að þetta gæti orðið slysavaldur ef ekki verður tekið ákveðnar á þessum málum og vísa ábyrgð á þessari áætlun á hendur stjórnarliða og meiri hlutans í þinginu.
