[prenta uppsett í dálka] 144. fundur, 122. lþ.
Sigríður Jóhannesdóttir:
Hæstv. forseti. Það er samkvæmt lögum að þetta frv. er núna endurskoðað og veldur vissulega vonbrigðum að þrátt fyrir TIMSS-skýrslur sem hafa gefið vísbendingu um að ástæða væri til að leita úrbóta og þrátt fyrir umræðu um árangur í íslenskum skólum sem hefur gengið mjög í sömu átt þá er engin tilraun gerð í þessu frv. til að reisa flaggið hærra hvað varðar menntunarkröfur til kennara heldur eru kröfur í vissum atriðum þar sem síst skyldi minnkaðar til þeirra sem eiga að gegna kennslustörfum. Við í minni hluta menntmn. greiðum þessu frv. atkvæði og flestum þeim brtt. sem fyrir liggja en flytjum sjálfar brtt. við 12. gr. og við 21. gr.
