Guðný Guðbjörnsdóttir (um atkvæðagreiðslu):
Virðulegi forseti. Í tengslum við þetta frv. átti sér stað mjög góð umræða í menntmn. um þrjár skýrslur er snerta stöðu kynjanna innan íþróttahreyfingarinnar eins og fram kemur í nefndarálitinu og voru allir sammála um að átaks væri þörf í þeim efnum. Hér gafst því stórkostlegt tækifæri til að koma jafnréttissjónarmiðum að í þessu annars ágæta frv. en það tækifæri var því miður ekki notað. Við fulltrúar stjórnarandstöðunnar í menntmn. erum því með brtt. við 3. og 8. gr. frv. sem miða að því að gera jafnréttisstarf í íþróttahreyfingunni öflugra og við skorum á þingheim að samþykkja þær.