Arnbjörg Sveinsdóttir:
Hæstv. forseti. Ég vil fagna ákvörðun ríkisstjórnarinnar um að ákvarða sjálfstæðan rétt karla til fæðingarorlofs. Þetta er afskaplega mikilvægur áfangi í jafnréttismálum og mjög mikilvægur áfangi í að viðhorfsbreyting verði í þjóðfélaginu gagnvart jafnréttismálum.
Það var mjög þarft að fyrirspyrjandi kom með þessa fyrirspurn þannig að það skýrðist í svari hæstv. fjmrh. að hér er átt við að allir karlar í starfi hjá ríkinu eigi þennan sjálfstæða rétt.