[prenta uppsett í dálka] 17. fundur
Forseti (Ólafur G. Einarsson):
Eins og hv. þingflokksformanni jafnaðarmanna er kunnugt hefur forseti fallist á að þessi utandagskrárumræða um gjaldskrárbreytingar Pósts og síma hf. geti farið fram á þingfundi á morgun, í upphafi fundar sem mundi þá hefjast kl. 13 og hafði samgrh. fallist á þann tíma. Forseti veit ekki hvort hann á að skilja orð hv. þingflokksformanns þannig að beiðnin um utandagskrárumræðu sé dregin til baka en beðið um skýrslu frá ráðherra. Forseti bíður eftir frekari upplýsingum um það.
