[prenta uppsett í dálka] 23. fundur
Tómas Ingi Olrich:
Herra forseti. Ég sé ástæðu til þess að þakka hv. fyrir\-spyrjanda fyrir að fá ljósi varpað á þessi mál. Mig langar aðeins að bæta því við að fyrir utan fjárfestingu í ljósleiðara um landið er Póstur og sími að vinna að því nú að leggja ljósleiðara inn á öll heimili í landinu. Þar er um verulega fjárfestingu að ræða til viðbótar sem mun, þegar því verki lýkur, tryggja Íslendingum betri og öruggari fjarskipti og flutning á upplýsingum en aðrar þjóðir búa við. Það er að vísu rétt að sú leið sem við höfum kosið til að ná þessum áföngum er nokkuð dýr en þar á móti kemur að hún tryggir mikið öryggi.
