Guðmundur Hallvarðsson:
Herra forseti. Oft hefur staða Landhelgisgæslunnar verið í umræðunni og aldur þeirra skipa sem landhelgi okkar hafa gætt. Varðskipið Óðinn er 38 ára. Ég flutti þáltill. sem snerti aldur varðskipa árið 1994. Í september 1994 skipaði hæstv. dómsmrh. sérstaka nefnd til að athuga skipakost Landhelgisgæslunnar. Sú nefnd gerði tillögur og skilaði til hæstv. dómsmrh. í mars 1997. Af því tilefni vildi ég spyrja hæstv. dómsmrh. hvað líði skipan nefndar vegna endurnýjunar varðskips eða svokallaðrar byggingarnefndar?