Iðnaðarráðherra (Finnur Ingólfsson) (andsvar):
Herra forseti. Það er rétt hjá hv. þm. Össuri Skarphéðinssyni að í þeirri skýrslu sem ég lagði fyrir um hugsanlegar framkvæmdir á sviði stóriðjumála eru settar fram hugmyndir um byggingu stóriðjuvera sem taka til þess að þarna yrði um einhverja viðbótarlosun á gróðurhúsalofttegundum að ræða. Hv. þm. verður hins vegar að hafa það í huga að ef þessar framkvæmdir gengju allar eftir annars staðar í heiminum þar sem notuð yrði önnur orka en vatnsaflið til framkvæmda, þá yrði losunin tíu sinnum meiri heldur en þarna er áætlað.