[prenta uppsett í dálka] 26. fundur
Össur Skarphéðinsson (andsvar):
Herra forseti. Það er rétt að benda hæstv. ráðherra á að það er víðar til í heiminum mengunarlaus orka en á Íslandi. Við stöndum einfaldlega frammi fyrir því, herra forseti, að við höfum tekið þátt í því að undirbúna samning sem við vissum sjálfir eða gerðum ráð fyrir að yrði lagalega bindandi. Við þurfum þar af leiðandi að svara spurningunni: Hvernig ætlum við að standa frammi fyrir honum? Hvernig ætlum við að uppfylla hann? Ég sé enga leið að komast nálægt því að uppfylla hann á þessum tímapunkti þegar hæstv. umhvrh. segir sjálfur að við stefnum tugum prósenta fram úr því marki sem við höfum áður ákveðið. Ég sé enga leið til þess nema að byrja á að svipta öllum stóriðjudraumum út af borðinu eða a.m.k. að slá þeim á frest þangað til niðurstaða liggur fyrir.
