Sighvatur Björgvinsson:
Virðulegi forseti. Það var ein spurning sem hv. þm. Ágúst Einarsson beindi til ríkisstjórnarinnar, hæstv. forsrh. eða formælenda Framsfl. í ríkisstjórninni sem eru ekki viðstaddir þennan fund en hæstv. forsrh. hlýtur að geta svarað spurningunni. Henni hefur ekki verið svarað enn. Spurning var þessi: Höfðu stjórnarflokkarnir, þ.e. ráðherrar beggja flokka í ríkisstjórn, Framsfl. og Sjálfstfl., tekið ákvörðun um að flytja frv. af því tagi sem hæstv. fjmrh. sagði í gær að til stæði að flytja? Gaf hann þá yfirlýsingu í samráði við samráðherra sína í Framsfl.? Vissu þeir að hún mundi koma og þetta væri fyrirætlunin eða kom þetta þeim og þingmönnum Framsfl. á óvart?