Sighvatur Björgvinsson (andsvar):
Herra forseti. Ég þakka hæstv. forsrh. fyrir svar hans en vil láta það koma fram, virðulegi forseti, að ég gagnrýni þær aðferðir sem menn hafa viðhaft í þessu sambandi og tel það mjög óeðlilegt að umræður um stór þingmál fari fram í fjölmiðlum án þess að fjölmargir alþingismenn hafi hugmynd um hvað verið er að ræða. Hvað þá um hvað einstakir stjórnarþingmenn eru að deila sín á milli í þeim efnum.