[prenta uppsett í dálka] 38. fundur
Frsm. meiri hluta fjárln. (Jón Kristjánsson) (andsvar):
Það er alveg rétt hjá hv. þm. að það þarf að fara fram umræða um stefnumörkun, verkaskiptingu sjúkrahúsa og það þarf að ganga í það verk að semja um umfang sjúkrahúsa, verkaskiptingu þeirra og það fjármagn sem á að fara til þeirra. Það er meiningin að setja kraft í þá vinnu og frv. sem hér liggur fyrir gerir ráð fyrir því.
Varðandi sameiningu sjúkrahúsanna í Reykjavík þá er það alveg hárrrétt að um það þarf að fara fram umræða á vettvangi Alþingis í framhaldi af þeirri skýrslu sem kom þar um. Menn þurfa að vanda sig þeirri umræðu. Ég er þeirrar skoðunar að það verði ekki gert í einu vetfangi. Menn verða að vanda sig og fara í þá skynsamlegu verkaskiptingu og þá skynsamlegu samvinnu sem hægt er að taka upp nú þegar og taka síðan upp umræðu um það hvort skynsamlegt er að fara í sameiningu sjúkrahúsanna. Það er annar eigandi að Sjúkrahúsi Reykjavíkur og auðvitað þurfa ríki og borg að koma saman að þessu verkefni.
