Jón Kristjánsson:
Herra forseti. Meiri hluti fjárln. leggur til að settar verði 600 millj. kr. í sjúkrahúsin á þessum fjáraukalögum, þar af 200 millj. kr. til að mæta vanda sjúkrahúsanna úti á landsbyggðinni og skipta því eftir tillögum stýrinefndar með samningum við sjúkrahúsin. Fjórðungssjúkrahúsið á Akureyri mun koma inn í þennan vinnuferil og því greiði ég atkvæði á móti tillögunni og sömuleiðis á móti tillögu minni hlutans sem varðar sjúkrahúsin á höfuðborgarsvæðinu og kemur á eftir til atkvæða.